Йоча годсо шонымаш илышыш шыҥдаралтын. Неле, кӱлешан профессийым ойырен налаш туныктышыжо кумылаҥден. Мутем, Морко район Шордӱр тӱҥ школышто марий, руш йылмым да литературым туныктышо Ирина Михайлова нерген. Тудо кажне йочан талантшым ужын, тудым вияҥден колташ тырша. Шочмо кундемым, икшыве-влакым йӧратымаш кумыл «Земский туныктышо» программыш ушнаш таратен.