«Семёновский» племзаводын Руш Кукмор ялыште верланыше фермыштыже кок у презе вӱтам почыныт. Тиде пашалан Регионым социал-экономике могырым вияҥдыме индивидуальный программе почеш 172 миллион теҥге ойыралтын. Кок цехыште 600 утла презым ончаш тӱҥалыт. У блок-влакым Марий Эл Правительстве Председательын икымше алмаштыже Дмитрий Троицкий да ялозанлык министр Андрей Кондратенко акленыт. Вӱтам чоҥымаште тиде гана у технологийым кучылтыныт. Лачак тидыже мемнан съемочный группынамат  фермыш миен ончалаш таратен.