Урал, эрвел, олык да курык марий куштымаш-влак, нунын сылнылыкышт да тӱрлӧ шӧрынышт — ик сценыште. Йошкар-Ола тений 3-шо гана «Тывырдык» регион-влак кокласе марий куштымаш фестивальым вашлиеш. Куштымо пайрем Тамара Дмитриеван лӱмжым нумалеш. Лачак тудо ты фестивальлан тӱҥалтышым пыштен. Шонымашыже — марий калыкын хореографийжым аралаш да шуараш, этнокультур кылым вияҥдаш. Фестиваль кок ийлан ик гана эртаралтеш. Тиддеч ончыч куштызо-влак 2022 ий сентябрьыште вашлийыныт.