Юл кундем федерал округысо регион-влакын эн сай постановкыжым ойырат. Сентябрь гыч ноябрь кыдал марте «Театральное Приволжье» фестивальыш йодмашым погеныт. Марий Эл гыч 20 йодмаш пурен. Тышечын 18-же — йоча, 2-шо — самырык-влаклан постановко. Нуно рӱдола да районласе тӱвыра пӧрт да школ пеленсе кружокла гыч улыт. 20 ноябрь гыч 5 декабрь марте регионысо  жюрин еҥже-влак пашам ыштат. А 9 гыч 17 декабрь йотке лауреат-влак спектальыштым сценышке луктыт. Лачак нуно Марий Элын чапшым ончыкыжым фестивальын вес этапыштыже аралаш тӱҥалыт.