Марий Элысе Кугыжаныш Погынын 8-ше созывшын черетан заседанийже шеҥгелан кодын. Тушто ончыкылык кум ийлан регионысо бюджетын проектшым онченыт. Каласыман, Марий Элын тӱҥ финанс документшым ончымаш закон дене келшышын шукталтеш. Республикыште илыше-влак бюджетын проектше дене палыме лийын кертышт манын, заочный колтымашат лийын. Нуным ончыкыжым Кугыжаныш Погынын бюджет сессийыштыже каҥашаш тӱҥалыт.